Amerıka saýda mınıstrliginiń málimdeýinshe, Qytaı vıse-premeri Lú He beısenbi kúni Vashıngtonǵa saýda kelissózderin júrgizýge barady. Ol bastaıtyn delegasıa quramyna saýda mınıstri, ortalyq bank jetekshisi, ındýstrıa, tehnologıa, aýylsharýashylyǵy mınıstrlikteriniń ókilderi kiredi dep habarlaıdy Qamshy.kz aqparat agenttigi inbusiness.kz deregine súıenip. 

Kelissózder qarsańynda eki derjava bir-birimen tatýlasýǵa da umtylysyn baıqatyp, jazalaýshy tarıfterdi alyp tastaýǵa nemese keıinge qaldyrýǵa nıet tanytyp otyr. Alaıda taraptardyń Qytaıdyń saýdalyq jáne tehnologıalyq ambısıalaryna qatysty ózekti máseleler boıynsha bir sheshimge kelýi ekitalaı.

Qytaı memlekettiń kómegi arqasynda robottyq jáne basqa da tehnologıalar jasaýdan ǵalamdyq básekede kósh bastap barady. Sol úshin AQSH oǵan qarsy qysymdy kúsheıtti degen boljam bar. Beıjiń bolsa, buǵan qarsylyq kórsetip otyr. AQSH, Eýropa, Japonıa sıaqty elder osy jaǵdaı úshin Qytaıdy ashyq naryq mindettemelerin oryndamaı otyr dep kinálap keledi.

Al, keıbir amerıkalyq resmı ókilderdiń pikirinshe, ádiletsiz báseke Qurama Shtattardyń ındýstrıaldyq lıderligin toqtatýy múmkin. Eki memleket bir-biriniń mıllıardtaǵan dollarlyq taýarlaryna salyqty kóterdi.  Sonymen qatar AQSH-Qytaı saýda soǵysy álem ekonomıkasyn resessıaǵa uryndyrady degen qaýip kúsheıip keledi.

Arys Ádilbekuly